2016 թվականի սեպտեմբերի 19-22-ը Երևան քաղաքի «Մերիդիան» էքսպո կենտրոնում, ՀՀ նախագահ Սերժ Սարգսյանի բարձր հովանու ներքո, տեղի ունեցավ   §Արտադրաված է Հայաստանում 2016¦ թվով 2-րդ ամենամյա ցուցահանդեսը:

 Ավանդաբար անցկացվող հայկական արտադրանքի ու ծառայությունների ցուցահանդեսի հիմնական նպատակն է ցուցադրել հայկական արտադրանքը, զարգացման հնարավորությունները, նպաստել նոր շուկանների  բացահայտմանը, գործարար կապերի հաստատմանը:

Ցուցահանդեսին այս տարի Հայաստանից և Արցախից մասնակցեցին ավելի քան 300 ընկերություն սննդի, ոսկերչության, ալկոհոլային խմիչքների, թեթև արդյունաբերության, դեղագործության, հանքարդյունաբերության, շինանյութերի, ճշգրիտ մեքենաշինության և տեղեկատվական տեխնոլոգիաների ոլորտներից, ինչպես նաև ներկայացվել են Հայաստանում արտադրված մի շարք  ընկերությունների արտադրանքի շնորհանդեսներ:

Արցախի ներդրումային հիմնադրամի ֆինանսական և կազմակերպչական աջակցությամբ ցուցահանդեսին մասնակցեցին 17 ընկերություն, որոնք ներկայացրեցին ԼՂՀ արտադրության առկա ներուժը և զբոսաշրջության ոլորտի գրավչությունը:

Արցախի տաղավարը արժանացավ մեծ ուշադրության  ալցելուների կողմից: