ԱՐՑԱԽԻ ՆԵՐԴՐՈՒՄԱՅԻՆ ՀԻՄՆԱԴՐԱՄ
Հարգելի շահառուներ:Պայմանավորված նոր՝ COVID-19 կորոնավիրուսի տարածման հետևանքով շահառուների մոտ ֆինանսական հոսքերի հնարավոր նվազմամբ՝ Արցախի ներդրումային հիմնադրամը (այսուհետ՝ Հիմնադրամ) տեղեկացնում է. Հիմնադրամի հանդեպ պարտավորություններ ունեցող շահառուները 2020թ. մարտի 16-ից մինչև մայիսի 15-ը ներառյալ կարող են չկատարել ժամանակացույցներով նախատեսված հերթական մարումները, ներառյալ` մայր գումարները, հաշվեգրված տոկոսները, ինչը չի հանգեցնի տույժ-տուգանքների առաջացման: Չվճարված գումարները կբաշխվեն պայմանագրի գործողության հետագա ժամանակահատվածի վրա և նշված ժամկետի ավարտից հետո կտրամադրվեն վճարման նոր ժամանակացույցներ:  Հիմնադրամի կողմից սուբսիդավորվող վարկեր ունեցող շահառուների կողմից 2020թ. մարտի 16-ից մինչև մայիսի 15-ը վարկային պայմանագրերով նախատեսված հերթական մարումները հետաձգելու դեպքում Հիմնադրամի կողմից սուբսիդավորումը չի դադարեցվի:Միաժամանակ կայուն եկամուտ ստացող քաղաքացիներին հորդորում ենք  կատարել իրենց վարկերի և փոխառությունների հերթական մարումներն ըստ գործող ժամանակացույցի՝ զերծ մնալով հետագայում ամենամսյա վճարումների գումարների ավելացումից:Խնդրում և հորդորում ենք Հիմնադրամ այցելել միայն խիստ անհրաժեշտության դեպքում: Բոլոր տեսակի գրությունները կարող եք ուղարկել info@aif.am էլեկտրոնային հասցեին, իսկ մնացած բոլոր հարցերով կապվել հետևյալ հեռախոսահամարներով՝ (047) 97-55-77, (047) 97-55-11: Տեղեկացնում ենք նաև, որ Հիմնադրամի կողմից իրականացվող պետական աջակցության ծրագրերի վերաբերյալ մանրամասն տեղեկություններ ստանալու նպատակով ժամանակավոր գործում են նաև հետևյալ բջջային հեռախոսահամարները.Հիփոթեքային աջակցության բաժին ՝ 097 27 70 62,Շրջաններում հիփոթեքային աջակցության բաժին՝ 097 27 70 61,ՓՄՁ վարկերի սուբսիդավորման և նպատակային փոխառությունների տրամադրման բաժին՝ 097 27 70 63,Վերահսկողության բաժին՝ 097 27 70 64,Իրավաբանական բաժին՝ 097 27 70 65:
հաշվիչ

Վարկային

Ավանդային

ՓՈԽԱՐԺԵՔ
01.04.2020
USD1504.47  0.08
GBP1622.36  1.45
EUR1553.45  -1.92
RUB16.46  0.11
Վերջին ՀՐԱՊԱՐԱԿՈՒՄը
Գրիգորի Իգորի Մարտիրոսյան

Խորհրդի  նախագահ

Ծնվել է 1978 թ. նոյեմբերի 14-ին Ստեփանակերտ քաղաքում:

 

Կրթություն

1999թ. գերազանցությամբ ավարտել է Արցախի պետական համալսարանի տնտեսագիտական ֆակուլտետի բակալավրիատը:

2001թ. գերազանցությամբ ավարտել է Երևանի պետական համալսարանի տնտեսագիտական ֆակուլտետի մագիստրատուրան:

2004թ. ավարտել է Երևանի պետական համալսարանի տնտեսագիտական ֆակուլտետի ասպիրանտուրան:

2004թ. պաշտպանել է թեկնածուական ատենախոսություն և ստացել տնտեսագիտության թեկնածուի գիտական աստիճան:

 

Աշխատանքային գործունեություն

1998-1999թթ. - Լեռնային Ղարաբաղի Հանրապետության վիճակագրության, պետական ռեգիստրի և վերլուծության պետական վարչություն` առաջին կարգի տնտեսագետ:

2000-2005թթ. - Հայաստանի Հանրապետության կառավարությանն առընթեր պետական գնումների գործակալություն` առաջատար մասնագետ:

2005-2007թթ. - Հայաստանի Հանրապետության ֆինանսների և էկոնոմիկայի նախարարություն` գլխավոր մասնագետ:

2007թ. նշանակվել է Լեռնային Ղարաբաղի Հանրապետության «Պետական գնումների գործակալություն» պետական ոչ առևտրային կազմակերպության պետի տեղակալ:

2008թ. նշանակվել է Լեռնային Ղարաբաղի Հանրապետության ֆինանսների նախարարի տեղակալ:

2010թ.-ից դասավանդում է Արցախի պետական համալսարանում:

2015թ. նշանակվել է Լեռնային Ղարաբաղի Հանրապետության ֆինանսների նախարարի առաջին տեղակալ:

2017թ. սեպտեմբերի 25-ի Արցախի Հանրապետության Նախագահի հրամանագրով նշանակվել է ԱՀ ֆինանսների նախարար:

2018 թ. հունիսի 6-ի Արցախի Հանրապետության Նախագահի հրամանագրով նշանակվել է ԱՀ պետական նախարար:

Ամուսնացած  է, ունի երեք երեխա:

  • «Արցախ ֆրութ» ՓԲԸ

    Գյուղատնտեսական մթերքների վերամշակում և պահածոների արտադրություն
  • «Ֆիդես հիփոթեքային ընկերություն»ՈՒՎԿ ՓԲԸ

    Վարկային կազմակերպություն
  • «Ստեփանակերտ-Սերվիս» ՓԲԸ

    Ներքաղաքային երթուղիների սպասարկում
Հրապարակումներ
Հաշվետվություններ